AI ագենտը պատասխանում է իմ Instagram-ի նամակներին ճիշտ ինձ պես

Առավոտյան վերցնում ես հեռախոսը, մտնում Instagram, ու նամակներում նույն հարցերն են քեզ սպասում։

Ինչքա՞ն արժե դասընթացը։ Ի՞նչ կա ներսում։ Ի՞նչ եմ սովորելու։ Համագործակցե՞նք։ Որտեղի՞ց սկսեմ AI սովորելը։

Ինձ մոտ նման նամակներ գալիս են ամեն օր։ Օրական 100+ նամակ։ Ամեն մեկն արժանի է նորմալ, մարդկային պատասխանի։ Բայց եթե բոլորին ինքս գրեմ, ամբողջ օրս կգնա դրա վրա։

Առաջին միտքը, որ գալիս է. դնեմ բոտ։ Ու հենց այստեղ սկսվում է խնդիրը։ Սովորական բոտը պատասխանում է որպես բոտ։ Չոր, երկար, «Հարգելի հաճախորդ» ոճով։ Մարդը գրել է քեզ, ոչ թե ընկերության կոլ կենտրոնին։ Կարդում է այդ պատասխանը ու զգում, որ քեզ հետ չի խոսում։ Վստահությունը կորչում է առաջին տողից։

Ես ուրիշ ճանապարհով գնացի։ Բոտ չդրեցի։ Իմ ձայնը փոխանցեցի թիմի նոր անդամի, իսկ վերջին խոսքը թողեցի ինձ։

01Ինչու պատրաստի պատասխանների ցուցակը չի աշխատում

Պատկերացրու, որ նոր մենեջեր ես վերցնում։ Առաջին տարբերակ. առաջին օրը տալիս ես գնացուցակն ու ասում՝ պատասխանիր հաճախորդներին։ Երկրորդ տարբերակ. մեկ ամիս նստեցնում ես կողքիդ, ու նա լսում է, թե ինչպես ես դու խոսում մարդկանց հետ։

Առաջինը կիմանա գները։ Երկրորդը կիմանա, թե ինչպես ես դու խոսում։ Պատրաստի պատասխանները գնացուցակն են։ Ինձ պետք էր այդ մեկ ամիսը կողքիս։

Դրա համար իմ ագենտի մոտ երկու առանձին բան կա։ Ձայնը, որը սովորել է իմ նամակներից։ Ու փաստերը, որոնք վերցնում է միայն բիզնեսի իրական ֆայլերից։ Երբ այս երկուսը միասին են, պատասխանը և ճիշտ է, և հնչում է ինձ պես։

02Ինչ տեսք ունեն իմ նամակները հիմա

Իմ ագենտն ապրում է Groknbot ում։ Երբ նոր նամակ է գալիս, նա գրում է պատասխանի սևագիրը։ Իմ բառերով, իմ կարճ նախադասություններով, մաքուր հայերենով։ Այնպես, ինչպես ես կգրեի։

Իմ գործը մնում է կարդալը ու հաստատելը։ Հաստատում եմ, ուղարկվում է։ Մինչև ես չհաստատեմ, ոչինչ դուրս չի գնում։

Թվերով. օրական 100+ նամակ, որոնց վրա հիմա ծախսում եմ մոտ 10 րոպե՝ նախկին 2 կամ 3 ժամի փոխարեն։

Բայց թվերից կարևոր մի բան կա։ Մարդիկ ստանում են պատասխան, որը հնչում է ինձ պես, որովհետև սովորել է ինձանից։

Ոչ մի մոգություն։ Պարզապես ճիշտ հերթականություն, որտեղ ամեն քայլ փակում է նախորդի թույլ կողմը։

03Պրոմպտը, որով սկսում ես

Ուզո՞ւմ ես նույնը անել քո բիզնեսի համար։ Սկսիր առաջին քայլից՝ քո ձայնից։ Այս պրոմպտով ագենտը կարդում է քո հին նամակները ու դուրս է բերում քո պատասխանելու ոճը։

Պրոմպտը անգլերեն է դիտմամբ։ Եթե ուզում ես արդյունքը հայերեն, վերջում ավելացրու՝ answer in Armenian։

Role: You are a voice analyst. Your job is to learn exactly how I reply to messages, so an agent can draft replies that sound like me.
Goal: Build a reply style guide from my real past messages.
Context: I run [your business]. People message me about [prices, products, collaborations, general questions]. Below are my real past conversations. Study only my replies, not the questions.
[paste your past message threads here]
Output format:
1) My tone in 5 short rules
2) Words and phrases I use often
3) Words and phrases I never use
4) How long my replies usually are, and how I open and close them
5) How I explain prices and products
6) How I say no or redirect someone
7) 5 example replies in my voice for my most common questions
8) Topics where you are not sure how I would answer. List them. Do not guess.
Rules: Do not invent facts about my business. Quote my real wording where you can. Keep the guide short enough to paste as standing instructions for an agent.

Ստացած ոճի ուղեցույցը դնում ես ագենտի հիմնական հրահանգների մեջ, կողքը՝ բիզնեսի փաստերի ֆայլը։ Հետո, մինչև իրական նամակներին միացնելը, փորձարկիր հին հարցերի վրա ու համեմատիր քո իսկական պատասխանների հետ։ Եթե տարբերությունը աչքի է զարնում, ձայնը դեռ պատրաստ չէ։

Մի բան էլ ասեմ, որ շատերը բաց են թողնում։ Ագենտը մեկ անգամ սարքելով չի վերջանում։ Ամեն անգամ, երբ սևագիրն ուղղում ես, տեսնում ես, թե որտեղ է ձայնը շեղվում։ Այդ ուղղումները ավելացրու ոճի ուղեցույցին, որ նույն սխալը չկրկնվի։ Սա արդեն ոչ թե «ժամանակ խնայելու հնարք» է, այլ համակարգ, որը ամեն շաբաթ քեզ ավելի լավ է ճանաչում։

Այդ պատճառով էլ ես չեմ մտածում «ինչպես ավելի արագ պատասխանեմ» հարցով։ Ես մտածում եմ, թե ինչպես կառուցեմ թիմ, որտեղ AI անդամը գիտի իմ ձայնը, իմ փաստերը ու իմ սահմանները։ Արագությունը գալիս է որպես հետևանք։

04Մինչև ագենտին թույլ տաս մտնել քո նամակները

• Ունես բավական հին նամակներ, որ ագենտը սովորի քո ձայնը, ոչ թե գուշակի այն։
• Գներն ու ծառայությունները գրված են մեկ թարմ ֆայլում, որը համընկնում է քո կայքի հետ։
• Որոշել ես, թե որ թեմաներին միշտ դու ես պատասխանում։
• Ագենտը միացած է որպես թիմի անդամ, ու դու հստակ գիտես, թե ինչ մուտք ունի։
• Առանց քո հաստատման ոչինչ չի ուղարկվում։ Առաջին օրվանից։